Os Biosbardos • Cultura de Leira nace como un proxecto de agricultura ecolóxica baseado nos principios da Permacultura:
Movidos polo disfrute dos alimentos e o respecto na súa obtención, buscamos ser 100% orgánicos e sostibles na nosa aproximación ao produto de horta.
Os Biosbardos • Cultura de Leira tamén é un espazo colaborativo onde compartir coñecemento con calquera que queira unirse ao proxecto e participar dun xeito ou doutro.
A través do noso blog e RR. SS. compartiremos a nosa andaina.
Se chegaches ata aquí e che transmitimos a nosa ilusión, invitámosche a que nos sigas para que poidas formar parte do noso proceso de crecemento, aprendizaxe e transformación.
Producimos na Comarca das Mariñas e para a súa área de influencia.
Somos produtores ao xeito tradicional e cun baixo nivel de mecanización.
Canle de curta de comercialización entre nós e os destinatarios dos nosos produtos, entre nós e ti.
As producións avalíanse dende a conciencia e o interese por conservar a biodiversidade.
En todo momento se é consciente da orixe do produto e das condicións nas que se cultivou: a trazabilidade é unha máxima.
Os prezos estímanse para que reflictan un trato xusto tanto para o comprador como para o produtor.
Os nosos produtos proceden dunha agricultura ecolóxica considerada como un modo de vida e non como un nicho económico.
Apostamos polas variedades autóctonas e propias, seleccionadas, e polo coñecemento agroecolóxico tradicional que preserva as cualidades organolépticas.
